XXI ғасыр қаһармандары – олар кімдер? Қазіргі заман қаһарманы қандай? Біз өз-өзін құрбандыққа шалу, ерлік жасау, қиын сәтте басқа жанға бірден қол ұшын созуға дайын адамдарды қаһарман деп атауға үйреніп кеткенбіз. Өкінішке орай, жұртшылықтың көбі күн сайын сондай ержүрек жандардың қатары сиреп бара жатыр деген пікірді ұстанады. Жаңалықтардан отандастарымыздың батырлығы туралы ақпаратты да сирек естиміз. Алайда, ел халқының күн сайын сүйікті телеарналарын көруі үшін қандай жұмыстар жүргізіліп жатқанын екінің бірі біле бермейді.